Aizawl 10th June, 2024 (Mon): Vawiin khan Mizo Hnam Runah chhung inkhawm neih a ni a. F. Aithanga, National Core Committee Member, MNF gen Hqrs chuan MNF chu political party satliah ni ve lo a, Mizo hnam movement keng nungtu, Mizo hnam lungphuma innghat a nih thu a sawi.

F. Aithanga chuan, "ZPM chuan kalphung thar an ti a, chu chu a phaw vuak mai mai umin mipui kan kal ta vel mai mai a. Rammute ram mut chhan leh an thih chhan pawh kan ngaihtuah pha ta lo. Martarte thisen kha eng angin nge a luan a, chu chuan kan thinlungah eng chin chiah nge a luah tihte kan hre pha ta lo a. Martarte thisen zahawmzia kha i hre reng ang u. Hnam thinlung, Mizo Nationalism tak tak kha thangtarten kan ngaihtuah pha ta lo a, a pawi takzet a. Martar-te thisen zahawmzia kha i hre thar leh hram ang u," a ti.

"MNF chuan thil tha chu su ngamin a thihpui ngam tur a ni a, a thalo hnualsuatin zawldawh theihna leh tawrh feina a nei tur a ni," tiin, Mizoram leh hnamin hma a sawn zelna tur leh Mizo hnam dam nan MNF a thawhkan leh thuai a tul thu a sawi a. Mizoram hian kalphung thar awmze neilo a mamawh loh thu leh, kalphung fel tak leh nghet tak neih a tul zawk thu a sawi bawk.

He hun hi Upa Dr.H. Lallenmawia, MNF Adviser chuan kaihruaiin, Rochhunga Ralte Ex-MLA, Adviser chuan hunserh a hmang.